നഗരത്തിന്റെ പശ്ചാത്തല സൗകര്യങ്ങൾ മെച്ചപ്പെടുത്തുന്നതിനും സുസ്ഥിര വികസന ലക്ഷ്യങ്ങൾ കൈവരിക്കുന്നതിനുമായി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) ‘അൽ റുവയ്യ യാർഡ്’ (Al Ruwayyah Yard) പദ്ധതിക്ക് തുടക്കമിട്ടു. ബോട്ടുകൾ, കാരവനുകൾ, ട്രെയിലറുകൾ, ഭക്ഷണ വിൽപന നടത്തുന്ന വാഹനങ്ങൾ (Food Vending Vehicles) എന്നിവ പാർക്ക് ചെയ്യുന്നതിനായി മാത്രമായി ഒരുക്കിയിട്ടുള്ള പ്രത്യേക കേന്ദ്രമാണിത്.
ദുബായിൽ പ്രധാന മേഖലകളിൽ പാർക്കിംഗ് നിരക്കുകൾ വർദ്ധിച്ച സാഹചര്യത്തിൽ, വാടക കരാറിൽ (Ejari) സൗജന്യ പാർക്കിംഗ് സൗകര്യം കൂടി ഉൾപ്പെടുത്തണമെന്ന് വാടകക്കാർ ആവശ്യപ്പെടുന്നു. ഡൗൺടൗൺ, ബിസിനസ് ബേ തുടങ്ങിയ സ്ഥലങ്ങളിൽ നടപ്പിലായ പുതിയ ടാരിഫ് സമ്പ്രദായം പാർക്കിംഗ് ചെലവ് വർദ്ധിപ്പിച്ചതാണ് ഇതിന് കാരണം. എന്നാൽ, പാർക്കിംഗ് സൗകര്യം കരാറിൽ കൃത്യമായി രേഖപ്പെടുത്തിയിട്ടില്ലെങ്കിൽ നിയമപരമായി അതിന് അവകാശമുണ്ടാകില്ലെന്ന് നിയമവിദഗ്ധർ മുന്നറിയിപ്പ് നൽകുന്നു. നിലവിലുള്ള കരാറുകളിൽ മാറ്റം വരുത്താൻ ഉടമയും വാടകക്കാരും ഒരുപോലെ സമ്മതിക്കണമെന്നും ഇജാരിയിൽ ഇവ വ്യക്തമാക്കണമെന്നും അധികൃതർ നിർദ്ദേശിക്കുന്നു.
അജ്മാനിൽ നിർമാണം പൂർത്തിയായ രണ്ട് പുതിയ പാലങ്ങൾ ഗതാഗതത്തിനായി തുറന്നു.
3.2 കിലോമീറ്റർ ദൈർഘ്യമുള്ള പദ്ധതിയിൽ ശൈഖ് മുഹമ്മദ് ബിൻ സായിദ് റോഡിൽ 800 മീറ്റർ പാലവും ശൈഖ് സായിദ് റോഡിലെ 1,100 മീറ്റർ അൽ ഹമീദിയ പാലവും ഉൾപ്പെടുന്നു.
കൂടാതെ രണ്ട് പുതിയ അണ്ടർ-ബ്രിഡ്ജ് ഇന്റർസെക്ഷനുകളും തുറന്നു.
യുഎഇ പ്രസിഡന്റ് ശൈഖ് മുഹമ്മദ് ബിൻ സായിദ് ആൽ നഹ്യാന്റെ സംരംഭങ്ങളുടെ ഭാഗമായി പ്രസിഡൻഷ്യൽ ഇൻിഷ്യേറ്റീവ്സ് കമ്മിറ്റിയുടെ മേൽനോട്ടത്തിലാണ് പദ്ധതി നടപ്പാക്കിയത്.
നഗരത്തിന്റെ പശ്ചാത്തല സൗകര്യങ്ങൾ മെച്ചപ്പെടുത്തുന്നതിനും ഗതാഗതം കൂടുതൽ സുഗമമാക്കുന്നതിനുമായി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) പുതിയ ‘അൽ റുവയ്യ യാർഡ്’ (Al Ruwayyah Yard) പദ്ധതിക്ക് തുടക്കമിട്ടു. അത്യാധുനിക അടിസ്ഥാന സൗകര്യങ്ങളോടുകൂടി സജ്ജീകരിച്ച 335 പുതിയ പാർക്കിംഗ് ഇടങ്ങളാണ് ഈ പദ്ധതിയിലൂടെ പൊതുജനങ്ങൾക്ക് ലഭ്യമാകുന്നത്.
ഷാർജ: ഓടിക്കൊണ്ടിരിക്കെ വാഹനത്തിന്റെ ക്രൂയിസ് കൺട്രോൾ സംവിധാനം തകരാറിലായതിനെത്തുടർന്ന് അപകടത്തിലായ ഡ്രൈവർക്ക് രക്ഷകരായി ഷാർജ പോലീസ്. വെള്ളിയാഴ്ച ഉച്ചകഴിഞ്ഞ് അഹമ്മദ് ബിൻ ഹദീദ് റൗണ്ട് എബൗട്ടിൽ നിന്നും ഷെയ്ഖ് മുഹമ്മദ് ബിൻ സായിദ് റോഡിലേക്ക് പോകുകയായിരുന്ന വാഹനത്തിനാണ് സാങ്കേതിക തകരാർ സംഭവിച്ചത്. മണിക്കൂറിൽ 80 കിലോമീറ്റർ വേഗതയിൽ സഞ്ചരിക്കവെ വാഹനത്തിന്റെ ക്രൂയിസ് കൺട്രോൾ തകരാറിലാവുകയും വേഗത നിയന്ത്രിക്കാൻ കഴിയാതെ വരികയും ചെയ്തു. ഉച്ചയ്ക്ക് 3.11-ഓടെ ഡ്രൈവർ ഷാർജ പോലീസിന്റെ ഓപ്പറേഷൻ റൂമിൽ വിളിച്ച് സഹായം അഭ്യർത്ഥിച്ചു. മിനിറ്റുകൾക്കുള്ളിൽ തന്നെ സ്ഥലത്തെത്തിയ ട്രാഫിക് പട്രോൾ സംഘം വാഹനം സുരക്ഷിതമായി തടഞ്ഞുനിർത്തി. പോലീസിന്റെ കൃത്യമായ ഇടപെടൽ മൂലം ഡ്രൈവർക്കോ വാഹനത്തിനോ മറ്റ് യാത്രക്കാർക്കോ പരിക്കുകളോ നാശനഷ്ടങ്ങളോ സംഭവിച്ചിട്ടില്ല.
ദുബായ് : വ്യാജ തൊഴിൽ ഓഫറുകൾ നൽകിയും വിസ സ്പോൺസർഷിപ്പിന്റെ പേരിൽ പണം തട്ടിയും നടത്തുന്ന വിസ തട്ടിപ്പുകൾക്കെതിരെ (Work Visa Scams) പൊതുജനങ്ങൾക്ക് മുന്നറിയിപ്പുമായി ദുബായ് പോലീസ്. #BewareOfFraud എന്ന ബോധവൽക്കരണ കാമ്പെയ്നിന്റെ ഭാഗമായാണ് പോലീസ് ഈ ജാഗ്രതാ നിർദ്ദേശം പുറപ്പെടുവിച്ചത്.
ജോലി വാഗ്ദാനം ചെയ്തും വിസ നടപടികൾ വേഗത്തിലാക്കാമെന്ന് വിശ്വസിപ്പിച്ചും ആളുകളെ വലയിലാക്കുന്ന തട്ടിപ്പുസംഘങ്ങൾ വർധിച്ചുവരുന്ന സാഹചര്യത്തിലാണ് നടപടി. ഔദ്യോഗിക സർക്കാർ സംവിധാനങ്ങളിലൂടെയോ ലൈസൻസുള്ള റിക്രൂട്ട്മെന്റ് ഏജൻസികളിലൂടെയോ അല്ലാതെ ലഭിക്കുന്ന വിസ വാഗ്ദാനങ്ങൾ വിശ്വസിക്കരുതെന്ന് ക്രിമിനൽ ഇൻവെസ്റ്റിഗേഷൻ വിഭാഗത്തിന് കീഴിലുള്ള ആന്റി-ഫ്രോഡ് സെന്റർ വ്യക്തമാക്കി.
യുഎഇയിലെ ബാങ്കുകൾ സാമ്പത്തിക ഇടപാടുകളുടെ സുരക്ഷ വർദ്ധിപ്പിക്കുന്നതിന്റെ ഭാഗമായി SMS വഴിയുള്ള വൺ ടൈം പാസ്വേഡ് (OTP) സംവിധാനം നിർത്തലാക്കുന്നു. ജനുവരി 6 മുതലാണ് ബാങ്കുകൾ ഈ മാറ്റം നടപ്പിലാക്കുന്നത്.
ഗ്ലോബൽ വില്ലേജ് സന്ദർശനം കൂടുതൽ എളുപ്പമാക്കാൻ അൽ റാഷിദിയ മെട്രോ സ്റ്റേഷനിൽ നിന്ന് പുതിയ ബസ് സർവീസ് ആരംഭിച്ചതായി ദുബായ് ആർടിഎ അറിയിച്ചു. ബസ് റൂട്ട് 102 ആണ് അൽ റാഷിദിയയെയും ഗ്ലോബൽ വില്ലേജിനെയും ബന്ധിപ്പിക്കുന്നത്.
വ്യാഴം, തിങ്കൾ ദിവസങ്ങളിൽ രാത്രി 11:45നും ഉച്ചയ്ക്ക് 2:45നും സർവീസ് ഉണ്ടാകും. ഞായർ, വെള്ളി ദിവസങ്ങളിൽ പുലർച്ചെ 12:45നും ഉച്ചയ്ക്ക് 2:45നും ബസുകൾ ഓടും.
ഗ്ലോബൽ വില്ലേജിൽ നിന്ന് തിരിച്ചുള്ള സർവീസ് വ്യാഴം, തിങ്കൾ ദിവസങ്ങളിൽ പുലർച്ചെ 12:30നും 3:30നും ലഭിക്കും. ഞായർ, വെള്ളി ദിവസങ്ങളിൽ പുലർച്ചെ 1:30നും 3:30നും ബസ് സർവീസുകൾ ഉണ്ടായിരിക്കും.
ക്രിസ്മസ്–പുതുവത്സര അവധിക്കുശേഷം യാത്രക്കാർ തിരിച്ചെത്തുന്നതിനാൽ യുഎഇയിലെ വിമാനത്താവളങ്ങളിൽ വലിയ തിരക്കാണ് അനുഭവപ്പെടുന്നത്. 2026 ജനുവരി 2 മുതൽ 5 വരെ ഏറ്റവും കൂടുതൽ തിരക്ക് പ്രതീക്ഷിക്കുന്നു.
ദുബായ്, അബൂദാബി, ഷാർജ, റാസൽഖൈമ വിമാനത്താവളങ്ങളിലാണ് തിരക്ക് കൂടുതലായി അനുഭവപ്പെടുക. എമിഗ്രേഷൻ, സുരക്ഷ പരിശോധന, ബാഗേജ് ക്ലെയിം എന്നിവിടങ്ങളിൽ നീണ്ട ക്യൂവിന് സാധ്യതയുണ്ടെന്ന് എമിറേറ്റ്സ് എയർലൈൻസ് മുന്നറിയിപ്പ് നൽകി.
അതേസമയം, ഷാർജ വിമാനത്താവളത്തിൽ യുഎഇ നിവാസികൾക്കും GCC പൗരന്മാർക്കും പ്രത്യേക കൗണ്ടറുകൾ ഒരുക്കിയിട്ടുണ്ട്. സായിദ് അന്താരാഷ്ട്ര വിമാനത്താവളത്തിൽ ബയോമെട്രിക് ഇമിഗ്രേഷൻ ക്ലിയറൻസിലൂടെ വേഗത്തിലുള്ള പ്രവേശനവും ലഭ്യമാകും.
പുതുവത്സരാഘോഷങ്ങളോടനുബന്ധിച്ച് ദുബായിലെ നാല് പ്രധാന പൊതു ബീച്ചുകളിൽ പ്രവേശനം കുടുംബങ്ങൾക്ക് മാത്രമായി പരിമിതപ്പെടുത്തിയതായി ദുബായ് മുനിസിപ്പാലിറ്റി അറിയിച്ചു. സന്ദർശകരുടെ സുരക്ഷ ഉറപ്പാക്കുന്നതിനും കുടുംബങ്ങൾക്ക് സുരക്ഷിതമായി ആഘോഷങ്ങൾ ആസ്വദിക്കുന്നതിനുമാണ് ഈ നടപടി.
പ്രത്യേക നിയന്ത്രണം ഏർപ്പെടുത്തിയ ബീച്ചുകൾ:
ജുമൈറ ബീച്ച് 2 (Jumeirah Beach 2)
ജുമൈറ ബീച്ച് 3 (Jumeirah Beach 3)
ഉമ്മു സുഖീം ബീച്ച് 1 (Umm Suqeim Beach 1)
ഉമ്മു സുഖീം ബീച്ച് (Umm Suqeim Beach)
