silvya

വരാനിരിക്കുന്ന വ്രതമാസത്തിൽ പുണ്യപ്രവൃത്തികളുടെ ഭാഗമായി ടെന്റുകൾ സ്ഥാപിക്കുന്നവർക്കായി ദുബായ് മുനിസിപ്പാലിറ്റിയും ഇസ്ലാമിക് അഫയേഴ്‌സ് ആൻഡ് ചാരിറ്റബിൾ ആക്ടിവിറ്റീസ് ഡിപ്പാർട്ട്‌മെന്റും (IACAD) പുതിയ മാർഗ്ഗനിർദ്ദേശങ്ങൾ പുറപ്പെടുവിച്ചു.
നിർദേശങ്ങൾ പ്രകാരം ടെൻ്റിന് 60 ചതുരശ്ര മീറ്ററിൽ കൂടുതൽ വിസ്തീർണം പാടില്ല. ഉയരം അഞ്ച് മീറ്ററിൽ കവിയാനും അനുവദനീയമല്ല. റോഡുകളിലോ നടപ്പാതകളിലോ തടസം സൃഷ്ടിക്കുന്ന തരത്തിൽ ടെൻ്റുകൾ സ്ഥാപിക്കരുതെന്നും അധികൃതർ വ്യക്തമാക്കി.
കമ്പിളി, ബദൂയിൻ തുണികൾ, ടാർപോളിൻ തുടങ്ങിയ വസ്തുക്കൾ മാത്രമേ റമദാൻ ടെൻ്റുകളുടെ നിർമ്മാണത്തിന് ഉപയോഗിക്കാൻ പാടുള്ളൂ.
ടെൻ്റ് സ്ഥാപിക്കുന്നതിനുള്ള അപേക്ഷ ഡിജിറ്റൽ ഐഡി ഉപയോഗിച്ച് ലോഗിൻ ചെയ്ത് ഓൺലൈനായി സമർപ്പിക്കാം. അപേക്ഷയ്ക്ക് ഫീസോ മറ്റ് രേഖകളോ ആവശ്യമായിട്ടില്ല. ബന്ധപ്പെട്ട അധികൃതർ അനുമതി നൽകിയാൽ ടെൻ്റ് സ്ഥാപിക്കാമെന്ന് അറിയിപ്പിൽ വ്യക്തമാക്കി.

അൽ ഷിന്ദഗ ചരിത്ര പ്രദേശത്ത് നടക്കുന്ന സിക്ക ആർട്ട് ആൻഡ് ഡിസൈൻ ഫെസ്റ്റിവലിലേക്ക് (Sikka Art & Design Festival) എത്തുന്നവർക്കായി പ്രത്യേക ഗതാഗത സൗകര്യങ്ങൾ പ്രഖ്യാപിച്ച് ആർ.ടി.എ. ഫെസ്റ്റിവൽ വേദിയിലെ തിരക്ക് ഒഴിവാക്കുന്നതിനായി സന്ദർശകർക്കായി നിശ്ചിത പാർക്കിംഗ് കേന്ദ്രങ്ങൾ സജ്ജമാക്കിയിട്ടുണ്ട്. ഇവിടെ നിന്ന് സന്ദർശകർക്ക് ഫെസ്റ്റിവൽ വേദിയിലേക്ക് നേരിട്ട് എത്തുന്നതിനായി സൗജന്യ ഷട്ടിൽ ബസ് സർവീസുകളും ലഭ്യമാണ്.


പാർക്കിംഗ് കേന്ദ്രങ്ങൾ:

പോർട്ട് റാഷിദിലെ ഹംദാൻ ബിൻ മുഹമ്മദ് ക്രൂയിസ് ടെർമിനൽ 3: സന്ദർശകർക്ക് ഇവിടെ വാഹനം പാർക്ക് ചെയ്യാവുന്നതാണ്. ഇവിടെ നിന്ന് വേദിയിലേക്ക് സൗജന്യ ഷട്ടിൽ ബസ് സൗകര്യം ഉണ്ടായിരിക്കും.


അൽ ഗുബൈബ മെട്രോ സ്റ്റേഷനിലെ മൾട്ടി സ്റ്റോറി പാർക്കിംഗ്: മെട്രോ സ്റ്റേഷന് സമീപമുള്ള ഈ പാർക്കിംഗ് കേന്ദ്രവും സന്ദർശകർക്ക് ഉപയോഗിക്കാം.

ഷാർജയിലെ വ്യാവസായിക മേഖലകളിൽ സിവിൽ ഡിഫൻസ് പരിശോധന ശക്തമാക്കി. ജീവനും സ്വത്തിനും സംരക്ഷണം നൽകുന്നതിനും സ്ഥാപനങ്ങളുടെ സുരക്ഷാ സന്നദ്ധത വർദ്ധിപ്പിക്കുന്നതിനുമാണ് ഈ പ്രത്യേക കാമ്പെയ്ൻ സംഘടിപ്പിക്കുന്നത്.ഓട്ടോ സ്പെയർ പാർട്‌സ് വെയർഹൗസുകൾ, മെയിന്റനൻസ് വർക്ക്ഷോപ്പുകൾ, കത്തുന്ന വസ്തുക്കൾ സൂക്ഷിക്കുന്ന സംഭരണ കേന്ദ്രങ്ങൾ എന്നിവിടങ്ങളിലാണ് പ്രധാനമായും പരിശോധന നടക്കുന്നത്.

യുഎഇയിലെ ജോലി ചെയ്യുന്ന അമ്മമാർക്കും കുടുംബാംഗങ്ങളെ പരിചരിക്കുന്നവർക്കും മുൻഗണന നൽകിക്കൊണ്ട് രാജ്യത്തെ തൊഴിൽ നിയമങ്ങളിൽ വലിയ മാറ്റങ്ങൾ വരുന്നു. ഫെഡറൽ നാഷണൽ കൗൺസിലിന്റെ (FNC) ബുധനാഴ്ച നടന്ന സെഷനിലാണ് ‘റിമോട്ട് വർക്ക്’ (Remote Work), ‘ഫ്ലെക്സിബിൾ വർക്ക്’ (Flexible Work) എന്നീ സംവിധാനങ്ങൾ ഇവർക്കായി നിർബന്ധമാക്കണമെന്ന. 10 വയസ്സിൽ താഴെ പ്രായമുള്ള കുട്ടികളുടെ അമ്മമാർ, പ്രായമായ മാതാപിതാക്കളെ പരിചരിക്കുന്നവർ, ഭിന്നശേഷിക്കാർ (People of Determination) എന്നിവർക്ക് റിമോട്ട് വർക്ക് സൗകര്യം നൽകണമെന്നാണ് പ്രധാന ആവശ്യം.
ഈ നിർദ്ദേശങ്ങൾ പൊതുമേഖലാ ജീവനക്കാർക്കോ, സ്വകാര്യ മേഖലയിലെ തൊഴിലാളികൾക്കോ, അതോ രണ്ടിനും ബാധകമാണോ എന്ന് എഫ്എൻസി വ്യക്തമാക്കിയിട്ടില്ല.

യുഎഇ ദിർഹത്തിനെതിരെ ഇന്ത്യൻ രൂപയുടെ മൂല്യം 24.81 എന്ന റെക്കോർഡ് നിലയിലേക്ക് ഇടിഞ്ഞു. ഇത് ഗൾഫ് രാജ്യങ്ങളിലെ പ്രവാസി ഇന്ത്യക്കാർക്ക് നാട്ടിലേക്ക് പണം അയയ്ക്കാൻ മികച്ച അവസരം നൽകുന്നു.

ദുബായ് എയർപോർട്ട്സും സാലിക്കും തമ്മിലുള്ള കരാറിന്റെ ഭാഗമായി, ദുബായ് ഇന്റർനാഷണൽ വിമാനത്താവളത്തിൽ ഈ മാസം അവസാനം മുതൽ എല്ലാ ടെർമിനലുകളിലും ടിക്കറ്റില്ലാത്ത പാർക്കിംഗ് പേയ്മെന്റ് സംവിധാനം നടപ്പാക്കും. 2026 ജനുവരി 22 മുതൽ ടെർമിനൽ 1, 2, 3, കാർഗോ മെഗാ ടെർമിനൽ എന്നിവിടങ്ങളിലെ 7,400 പാർക്കിംഗ് സ്ഥലങ്ങളിൽ സാലിക് ഇ-വാലറ്റ് വഴി പണമടയ്ക്കാം.