ഈ സീസണിലെ ഏറ്റവും വലിയ ഡ്രോൺ പ്രദർശനത്തിന് ദുബായ് ഗ്ലോബൽ വില്ലേജ് വേദിയാകുന്നു. 2026 ജനുവരി 9 വെള്ളിയാഴ്ച വൈകുന്നേരം 7:15-നാണ് ആയിരക്കണക്കിന് ഡ്രോണുകൾ അണിനിരക്കുന്ന ഈ വിസ്മയ കാഴ്ച നടക്കുകയെന്ന് അധികൃതർ അറിയിച്ചു. മുപ്പതാം സീസണിലെ ഏറ്റവും വലിയ ആകാശ വിസ്മയമായിരിക്കും ഇതെന്നും സന്ദർശകർ ഈ അവസരം ഉപയോഗപ്പെടുത്തണമെന്നും ഗ്ലോബൽ വില്ലേജ് അധികൃതർ അഭ്യർത്ഥിച്ചു.
ആധുനിക ഗതാഗത രംഗത്ത് വിപ്ലവകരമായ മാറ്റത്തിനൊരുങ്ങി ദുബായ്. നഗരത്തിൽ ഡ്രൈവറില്ലാ ടാക്സികൾ (Autonomous Taxis) യാഥാർത്ഥ്യമാക്കുന്നതിൻ്റെ ഭാഗമായി ചൈനീസ് കമ്പനിയായ ബൈദു അപ്പോളോ ഗോയുടെ (Baidu Apollo Go) ആദ്യ കൺട്രോൾ സെൻ്റർ ദുബായ് സയൻസ് പാർക്കിൽ പ്രവർത്തനമാരംഭിച്ചു.
നഗരത്തിലെ പൊതുസ്ഥലങ്ങളിലും, താമസ സ്ഥലങ്ങളിലും, റോഡുകളിലും ശുചിത്വം ഉറപ്പുവരുത്തുന്നതിനായി അത്യാധുനിക സ്മാർട്ട് ക്യാമറ സംവിധാനം നടപ്പിലാക്കി ദുബായ് മുനിസിപ്പാലിറ്റി. പദ്ധതിയുടെ പരീക്ഷണാടിസ്ഥാനത്തിലുള്ള ആദ്യ ഘട്ടമാണ് ഇപ്പോൾ ആരംഭിച്ചിരിക്കുന്നത്.
കൃത്രിമ ബുദ്ധി (AI) ഉപയോഗിച്ച് പ്രവർത്തിക്കുന്ന ഈ ക്യാമറകൾ നഗരസഭയുടെ മാലിന്യശേഖരണ വാഹനങ്ങളിലും മറ്റ് ഗതാഗത വാഹനങ്ങളിലുമാണ് ഘടിപ്പിച്ചിരിക്കുന്നത്.
ഈ സീസണിലെ ഏറ്റവും വലിയ ഡ്രോൺ പ്രദർശനത്തിന് ദുബായ് ഗ്ലോബൽ വില്ലേജ് വേദിയാകുന്നു. 2026 ജനുവരി 9 വെള്ളിയാഴ്ച വൈകുന്നേരം 7:15-നാണ് ആയിരക്കണക്കിന് ഡ്രോണുകൾ അണിനിരക്കുന്ന ഈ വിസ്മയ കാഴ്ച നടക്കുകയെന്ന് അധികൃതർ അറിയിച്ചു. മുപ്പതാം സീസണിലെ ഏറ്റവും വലിയ ആകാശ വിസ്മയമായിരിക്കും ഇതെന്നും സന്ദർശകർ ഈ അവസരം ഉപയോഗപ്പെടുത്തണമെന്നും ഗ്ലോബൽ വില്ലേജ് അധികൃതർ അഭ്യർത്ഥിച്ചു.
ജനങ്ങളുടെ ആരോഗ്യം സംരക്ഷിക്കുന്നതിനും ജീവിതശൈലീ രോഗങ്ങൾ തടയുന്നതിനുമായി ഭക്ഷണത്തിലെ ഉപ്പിന്റെ ഉപയോഗം കുറയ്ക്കാൻ പുതിയ കർശന നിർദ്ദേശങ്ങളുമായി യുഎഇ ആരോഗ്യ മന്ത്രാലയം. പഞ്ചസാരയുടെ ഉപയോഗം നിയന്ത്രിക്കാനുള്ള നടപടികൾക്ക് പിന്നാലെയാണ് ഇപ്പോൾ ഉപ്പിനും (Sodium) നിയന്ത്രണം ഏർപ്പെടുത്തുന്നത്. ഹൃദ്രോഗം, ഉയർന്ന രക്തസമ്മർദ്ദം തുടങ്ങിയ ആരോഗ്യപ്രശ്നങ്ങൾ വർദ്ധിച്ചുവരുന്നത് കണക്കിലെടുത്താണ് ഈ സുപ്രധാന തീരുമാനം. റെസ്റ്റോറന്റുകളിലും കഫേകളിലും നൽകുന്ന ഭക്ഷണത്തിൽ ഉപ്പിന്റെ അളവ് കുറയ്ക്കണമെന്നും, പ്രോസസ് ചെയ്ത ഭക്ഷണങ്ങളിലെ ഉപ്പിന്റെ അളവ് കൃത്യമായി രേഖപ്പെടുത്തണമെന്നും മന്ത്രാലയം നിർദ്ദേശിക്കുന്നു. പൊതുജനങ്ങളുടെ ഭക്ഷണശീലത്തിൽ ആരോഗ്യകരമായ മാറ്റങ്ങൾ കൊണ്ടുവരുന്നതിലൂടെ രാജ്യത്തിന്റെ ആരോഗ്യ നിലവാരം മെച്ചപ്പെടുത്താനാണ് സർക്കാർ ലക്ഷ്യമിടുന്നത്.
നഗരത്തിന്റെ പശ്ചാത്തല സൗകര്യങ്ങൾ മെച്ചപ്പെടുത്തുന്നതിനും സുസ്ഥിര വികസന ലക്ഷ്യങ്ങൾ കൈവരിക്കുന്നതിനുമായി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) ‘അൽ റുവയ്യ യാർഡ്’ (Al Ruwayyah Yard) പദ്ധതിക്ക് തുടക്കമിട്ടു. ബോട്ടുകൾ, കാരവനുകൾ, ട്രെയിലറുകൾ, ഭക്ഷണ വിൽപന നടത്തുന്ന വാഹനങ്ങൾ (Food Vending Vehicles) എന്നിവ പാർക്ക് ചെയ്യുന്നതിനായി മാത്രമായി ഒരുക്കിയിട്ടുള്ള പ്രത്യേക കേന്ദ്രമാണിത്.
ദുബായിൽ പ്രധാന മേഖലകളിൽ പാർക്കിംഗ് നിരക്കുകൾ വർദ്ധിച്ച സാഹചര്യത്തിൽ, വാടക കരാറിൽ (Ejari) സൗജന്യ പാർക്കിംഗ് സൗകര്യം കൂടി ഉൾപ്പെടുത്തണമെന്ന് വാടകക്കാർ ആവശ്യപ്പെടുന്നു. ഡൗൺടൗൺ, ബിസിനസ് ബേ തുടങ്ങിയ സ്ഥലങ്ങളിൽ നടപ്പിലായ പുതിയ ടാരിഫ് സമ്പ്രദായം പാർക്കിംഗ് ചെലവ് വർദ്ധിപ്പിച്ചതാണ് ഇതിന് കാരണം. എന്നാൽ, പാർക്കിംഗ് സൗകര്യം കരാറിൽ കൃത്യമായി രേഖപ്പെടുത്തിയിട്ടില്ലെങ്കിൽ നിയമപരമായി അതിന് അവകാശമുണ്ടാകില്ലെന്ന് നിയമവിദഗ്ധർ മുന്നറിയിപ്പ് നൽകുന്നു. നിലവിലുള്ള കരാറുകളിൽ മാറ്റം വരുത്താൻ ഉടമയും വാടകക്കാരും ഒരുപോലെ സമ്മതിക്കണമെന്നും ഇജാരിയിൽ ഇവ വ്യക്തമാക്കണമെന്നും അധികൃതർ നിർദ്ദേശിക്കുന്നു.
അജ്മാനിൽ നിർമാണം പൂർത്തിയായ രണ്ട് പുതിയ പാലങ്ങൾ ഗതാഗതത്തിനായി തുറന്നു.
3.2 കിലോമീറ്റർ ദൈർഘ്യമുള്ള പദ്ധതിയിൽ ശൈഖ് മുഹമ്മദ് ബിൻ സായിദ് റോഡിൽ 800 മീറ്റർ പാലവും ശൈഖ് സായിദ് റോഡിലെ 1,100 മീറ്റർ അൽ ഹമീദിയ പാലവും ഉൾപ്പെടുന്നു.
കൂടാതെ രണ്ട് പുതിയ അണ്ടർ-ബ്രിഡ്ജ് ഇന്റർസെക്ഷനുകളും തുറന്നു.
യുഎഇ പ്രസിഡന്റ് ശൈഖ് മുഹമ്മദ് ബിൻ സായിദ് ആൽ നഹ്യാന്റെ സംരംഭങ്ങളുടെ ഭാഗമായി പ്രസിഡൻഷ്യൽ ഇൻിഷ്യേറ്റീവ്സ് കമ്മിറ്റിയുടെ മേൽനോട്ടത്തിലാണ് പദ്ധതി നടപ്പാക്കിയത്.
നഗരത്തിന്റെ പശ്ചാത്തല സൗകര്യങ്ങൾ മെച്ചപ്പെടുത്തുന്നതിനും ഗതാഗതം കൂടുതൽ സുഗമമാക്കുന്നതിനുമായി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) പുതിയ ‘അൽ റുവയ്യ യാർഡ്’ (Al Ruwayyah Yard) പദ്ധതിക്ക് തുടക്കമിട്ടു. അത്യാധുനിക അടിസ്ഥാന സൗകര്യങ്ങളോടുകൂടി സജ്ജീകരിച്ച 335 പുതിയ പാർക്കിംഗ് ഇടങ്ങളാണ് ഈ പദ്ധതിയിലൂടെ പൊതുജനങ്ങൾക്ക് ലഭ്യമാകുന്നത്.
ഷാർജ: ഓടിക്കൊണ്ടിരിക്കെ വാഹനത്തിന്റെ ക്രൂയിസ് കൺട്രോൾ സംവിധാനം തകരാറിലായതിനെത്തുടർന്ന് അപകടത്തിലായ ഡ്രൈവർക്ക് രക്ഷകരായി ഷാർജ പോലീസ്. വെള്ളിയാഴ്ച ഉച്ചകഴിഞ്ഞ് അഹമ്മദ് ബിൻ ഹദീദ് റൗണ്ട് എബൗട്ടിൽ നിന്നും ഷെയ്ഖ് മുഹമ്മദ് ബിൻ സായിദ് റോഡിലേക്ക് പോകുകയായിരുന്ന വാഹനത്തിനാണ് സാങ്കേതിക തകരാർ സംഭവിച്ചത്. മണിക്കൂറിൽ 80 കിലോമീറ്റർ വേഗതയിൽ സഞ്ചരിക്കവെ വാഹനത്തിന്റെ ക്രൂയിസ് കൺട്രോൾ തകരാറിലാവുകയും വേഗത നിയന്ത്രിക്കാൻ കഴിയാതെ വരികയും ചെയ്തു. ഉച്ചയ്ക്ക് 3.11-ഓടെ ഡ്രൈവർ ഷാർജ പോലീസിന്റെ ഓപ്പറേഷൻ റൂമിൽ വിളിച്ച് സഹായം അഭ്യർത്ഥിച്ചു. മിനിറ്റുകൾക്കുള്ളിൽ തന്നെ സ്ഥലത്തെത്തിയ ട്രാഫിക് പട്രോൾ സംഘം വാഹനം സുരക്ഷിതമായി തടഞ്ഞുനിർത്തി. പോലീസിന്റെ കൃത്യമായ ഇടപെടൽ മൂലം ഡ്രൈവർക്കോ വാഹനത്തിനോ മറ്റ് യാത്രക്കാർക്കോ പരിക്കുകളോ നാശനഷ്ടങ്ങളോ സംഭവിച്ചിട്ടില്ല.
