യുഎഇ: യുഎഇയിലെ ജനറൽ അതോറിറ്റി ഓഫ് ഇസ്ലാമിക് അഫയേഴ്സ്, എൻഡോവ്മെൻ്റ്സ് ആൻഡ് സകാത്ത് (General Authority of Islamic Affairs, Endowments and Zakat) രാജ്യത്തെ വെള്ളിയാഴ്ചത്തെ ഖുതുബയുടെയും (പ്രസംഗം) ജുമുഅ നമസ്കാരത്തിൻ്റെയും സമയത്തിൽ മാറ്റം വരുത്തിക്കൊണ്ട് പ്രഖ്യാപനം പുറത്തിറക്കി. ഇതനുസരിച്ച്, 2026 ജനുവരി 2, വെള്ളിയാഴ്ച മുതൽ യുഎഇയിലെ എല്ലാ പള്ളികളിലും വെള്ളിയാഴ്ചത്തെ പ്രസംഗവും നമസ്കാരവും ഉച്ചയ്ക്ക് 12:45-ന് ആയിരിക്കും നടത്തുക.
യുഎഇയിൽ ഇന്ന് പൊതുവെ തെളിഞ്ഞതും ഭാഗികമായി മേഘാവൃതമായ കാലാവസ്ഥയായിരിക്കുമെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. അബുദാബിയിലും ഷാർജയിലും താപനില 19°C മുതൽ 30°C വരെ രേഖപ്പെടുത്തും. അതേ സമയം ദുബായിൽ 18°C മുതൽ 31°C വരെയായിരിക്കും താപനില.
കടൽ പൊതുവെ ശാന്തമായിരിക്കും എന്നും തീരപ്രദേശങ്ങളിൽ നേരിയതോ മിതമായതോ ആയ കാറ്റ് വീശാൻ സാധ്യതയുണ്ടെന്നും കാലാവസ്ഥാ കേന്ദ്രം വ്യക്തമാക്കി.
1 പഞ്ചസാര നികുതി
2026 ജനുവരി 1 മുതൽ പാനീയങ്ങൾക്ക് പഞ്ചസാരയുടെ അളവിന് അനുസരിച്ച് നികുതി ചുമത്തും
കൂടുതൽ പഞ്ചസാര ചേർത്ത പാനീയങ്ങൾക്ക് ഉയർന്ന നികുതി നൽകേണ്ടിവരും
2 പ്ലാസ്റ്റിക് നിരോധനം
ഒറ്റത്തവണ ഉപയോഗിക്കാവുന്ന പ്ലാസ്റ്റിക്കിന്റെ ഇറക്കുമതി, ഉത്പാദനം, വ്യാപാരം എന്നിവ നിരോധിക്കും
3 വാറ്റ് നിയമങ്ങൾ (VAT)
2026മുതൽ റിവേഴ്സ് ചാർജ് സംവിധാനത്തിന് ഫയൽ ചെയ്യുമ്പോൾ വ്യക്തികൾ സെൽഫ് ഇൻവോയിസ് നൽകേണ്ടതില്ല
4 നികുതി പരിഷ്കാരങ്ങൾ
വ്യക്തതയുള്ള നിയമങ്ങൾ, കർശന സമയ പരിധി, ഫെഡറൽ ടാക്സ് അതോറിറ്റിക്ക് കൂടുതൽ അധികാരങ്ങൾ
5 ഇ -ഇൻവോയ്സിങ് നിർബന്ധം
2026 ന്റെ പകുതിയോടെ ബിസിനസ് സ്ഥാപനങ്ങൾക്ക് ഇലക്ട്രോണിക് ഇൻവോയിസ് നിർബന്ധമാക്കും
6 ഇന്ത്യൻ സകൂളുകൾക ഏകീകൃത കലണ്ടർ
2026 ഏപ്രിൽ മുതൽ പ്രാബല്യത്തിൽ വരും
7 ഇത്തിഹാദ് റെയിൽ
എത്തിഹാദ് റെയിൽ 2026 ൽ യാത്രക്കാർക്കായി പ്രവർത്തനം ആരംഭിക്കും. ഇത് യുഎഇയുടെ 11 പ്രധാന നഗരങ്ങളെയും പ്രദേശങ്ങളെയും ബന്ധിപ്പിക്കും
8. പറക്കും ടാക്സികൾ
2026-ൽ ഇലക്ട്രിക് എയർ ടാക്സികൾ പ്രവർത്തനം തുടങ്ങും. 100-ൽ അധികം ഹെലിപോർട്ടുകൾ “വെർട്ടിപോർട്ടുകളായി” മാറ്റും.
9. റോബോടാക്സികൾ
ഡ്രൈവറില്ലാ ടാക്സികൾ ശെയ്ഖ് സായിദ് റോഡിൽ പ്രവർത്തനമാരംഭിക്കും
10. ദുബായ് ലൂപ്പ്
17 കിലോമീറ്റർ നീളമുള്ള ഭൂഗർഭഹൈസ്പീഡ് ഗതാഗത സംവിധാനം 2026-ൽ ലഭ്യമാകും
11. GITEX എക്സ്പോ സിറ്റി
GITEX ഇനി എക്സ്പോ സിറ്റിയിൽ നടക്കും
12. വേൾഡ് ട്രേഡ് സെൻ്റർ
വേൾഡ് ട്രേഡ് സെന്റർ റൗണ്ട്എബൗട്ട് തുറക്കും
ദുബായ്: ദുബായിൽ ഇലക്ട്രിക് സ്കൂട്ടർ അപകടത്തിൽപ്പെട്ട് എമിറാത്തി യുവാവിന് ഗുരുതരമായ സുഷുമ്നാ നാഡിക്ക് (Spinal Injuries) പരിക്കേറ്റു. തലയിൽ ഹെൽമറ്റ് ധരിച്ചിരുന്നതിനാൽ തലക്ക് മാരകമായ പരിക്കേൽക്കാതെ രക്ഷപ്പെട്ടു.
പോലീസും പരിക്കേറ്റയാളും നൽകിയ വിവരമനുസരിച്ച്, തലാൽ മുഹമ്മദ് തൻ്റെ താമസ സ്ഥലത്ത് സ്കൂട്ടറിൽ യാത്ര ചെയ്യുകയായിരുന്നു. പെട്ടെന്നുണ്ടായ നിയന്ത്രണം നഷ്ടപ്പെട്ടതാണ് അപകടത്തിന് കാരണമായത്. നിയന്ത്രണം വിട്ട സ്കൂട്ടർ പനമരത്തിൽ ഇടിക്കുകയും, തുടർന്ന് തറയിലേക്ക് തെറിച്ചു വീഴുകയുമായിരുന്നു. ഹെൽമറ്റ് ധരിച്ചിരുന്നത് കൊണ്ട് തലക്ക് ഏറ്റ ആഘാതത്തിൻ്റെ വലിയൊരു ഭാഗം കുറയ്ക്കാൻ സാധിക്കുകയും, ഇത് ജീവൻ രക്ഷിക്കുകയും ചെയ്തു. എന്നിരുന്നാലും, കൂട്ടിയിടിയുടെ ആഘാതത്തിൽ യുവാവിൻ്റെ സുഷുമ്നാ നാഡിക്ക് ഗുരുതരമായ പരിക്കേറ്റു.
ഇ-സ്കൂട്ടർ യാത്രക്കാർ സുരക്ഷാ മാനദണ്ഡങ്ങൾ കർശനമായി പാലിക്കണം എന്നതിനെക്കുറിച്ച് ദുബായ് പോലീസ് മുന്നറിയിപ്പ് നൽകിയിട്ടുണ്ട്.
അബുദാബി : നഗരത്തിലെ പ്രധാന പാതകളിലൊന്നായ ഷെയ്ഖ് സായിദ് ബിൻ സുൽത്താൻ സ്ട്രീറ്റ് (Sheikh Zayed Bin Sultan Street) അത്യാവശ്യമായ റോഡ് അറ്റകുറ്റപ്പണികൾക്കായി ഇന്ന്, ഡിസംബർ 9 ചൊവ്വാഴ്ച മുതൽ രണ്ടാഴ്ചത്തേക്ക് ഭാഗികമായി അടച്ചിടുമെന്ന് അബുദാബി മൊബിലിറ്റി (AD Mobility) മുന്നറിയിപ്പ് നൽകി.
റോഡ് അടച്ചിടൽ ഡിസംബർ 22 തിങ്കളാഴ്ച വരെ തുടരും. ഈ ദിവസങ്ങളിൽ പൊതുജനങ്ങൾ ഗതാഗതക്കുരുക്ക് ഒഴിവാക്കുന്നതിനും യാത്രാ തടസ്സങ്ങൾ കുറയ്ക്കുന്നതിനും വേണ്ടി ദയവായി ബദൽ വഴികൾ ഉപയോഗിക്കണം എന്ന് അതോറിറ്റി അഭ്യർത്ഥിച്ചു.
ദുബായ്–അബുദാബി ഇടയിൽ പ്രവർത്തിക്കുന്ന ഷെയർഡ് ടാക്സി സേവനം രണ്ടുകൂടി സ്ഥലങ്ങളിലേക്ക് വിപുലീകരിച്ചതായി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) തിങ്കളാഴ്ച പ്രഖ്യാപിച്ചു. ഒരൊറ്റ ടാക്സിയിൽ ഒന്നിലധികം യാത്രക്കാരെ കൂട്ടി യാത്ര ചെയ്യാനും നിരക്ക് പങ്കിടാനുമുള്ള സൗകര്യമൊരുക്കുന്ന ഈ സേവനം
കഴിഞ്ഞ വർഷം നവംബറിൽ ആരംഭിച്ച ഇബ്നു ബത്തൂത്ത മാൾ–അൽ വഹ്ദ മാൾ ഷെയർഡ് ടാക്സി റൂട്ടിന് ലഭിച്ച വലിയ പിന്തുണയാണ് ഈ വിപുലീകരണത്തിന് കാരണമായതെന്ന് RTA അറിയിച്ചു.
അൽ മക്തൂം എയർപോർട്ട്- മറീന മാൾ, ബിസിനസ് ബേ മെട്രോ
പാം ജുമൈറ-അറ്റ്ലാന്റിസ് മോണോ റെയിൽ
ട്രേഡ് സെന്റർ-ബിസിനസ് ബേ മെട്രോ, സത് വ, മറീനമാൾ
ദുബായ്: ദുബായിലെ പ്രധാന പ്രദേശങ്ങളിലായി 762 ഷെൽട്ടറുകൾ നിർമ്മിക്കുന്ന വിശാലമായ പദ്ധതിയുടെ ഭാഗമായി 595 പുതിയ ബസ് പാസഞ്ചർ ഷെൽട്ടറുകൾ പൂർത്തിയാക്കിയതായി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (ആർടിഎ) ഞായറാഴ്ച പ്രഖ്യാപിച്ചു.
ഉയർന്ന ജനസാന്ദ്രതയുള്ള നഗരപ്രദേശങ്ങൾക്ക് സേവനം നൽകുന്നതിനും നിലവിലുള്ളതും ഭാവിയിലുള്ളതുമായ പ്രവർത്തന ആവശ്യകതകൾ നിറവേറ്റുന്നതിനും നടത്തം, സൈക്ലിംഗ് തുടങ്ങിയ സോഫ്റ്റ് മൊബിലിറ്റി ഓപ്ഷനുകളുമായി സംയോജിപ്പിക്കുന്നതിനും സ്ഥലങ്ങൾ ശ്രദ്ധാപൂർവ്വം തിരഞ്ഞെടുത്തു . ചില സ്ഥലങ്ങളിൽ ഒരു ഷെൽട്ടറിൽ 10-ലധികം ബസ് റൂട്ടുകൾ ഉൾപ്പെടുത്തുമെന്നും, ഇത് പ്രതിവർഷം 192 ദശലക്ഷത്തിലധികം യാത്രക്കാരെ പിന്തുണയ്ക്കുമെന്നും അതോറിറ്റി അഭിപ്രായപ്പെട്ടു.
രാജ്യത്തെ ഏറ്റവും വലിയ വിമാനക്കമ്പനിയായ ഇൻഡിഗോയെ പിടിച്ചുലച്ച പ്രതിസന്ധി തുടരുന്നതിനിടെ, കഴിഞ്ഞ ഏഴ് ദിവസത്തിനുള്ളിൽ മൊത്തം 4,500 വിമാന സർവീസുകളാണ് മുടങ്ങിയതെന്ന് റിപ്പോർട്ട്. യാത്രക്കാരെ ദുരിതത്തിലാഴ്ത്തിയ ഈ കൂട്ട റദ്ദാക്കലുകൾ യു.എ.ഇ – ഇന്ത്യ ഉൾപ്പെടെയുള്ള റൂട്ടുകളിലെ യാത്രയെ സാരമായി ബാധിക്കുകയും എയർലൈനിന്റെ പ്രവർത്തനങ്ങളെ താളം തെറ്റിക്കുകയും ചെയ്തു. വിമാനങ്ങൾ റദ്ദാക്കുന്നതിൽ കുറവുണ്ടായെന്ന് അധികൃതർ അറിയിച്ചിരുന്നുവെങ്കിലും, ജീവനക്കാരുടെയും സാങ്കേതിക പ്രശ്നങ്ങളുടെയും പേരിൽ സർവീസുകൾ പൂർണ്ണമായി സാധാരണ നിലയിലാക്കാൻ കഴിയാത്തതിനാൽ പ്രതിസന്ധി ഇപ്പോഴും തുടരുകയാണ്.
യുഎഇയിൽ ഇന്ന് പുലർച്ചെ മുതൽ നിരവധി പ്രദേശങ്ങളിൽ കനത്ത മൂടൽമഞ്ഞ് രൂപപ്പെട്ടതിനെ തുടർന്ന്, പുലർച്ചെ 1 മണി മുതൽ രാവിലെ 10 വരെ ചുവപ്പും മഞ്ഞയും നിറങ്ങളിലുള്ള ഫോഗ് അലർട്ടുകൾ പുറത്തിറക്കി. ദൂരക്കാഴ്ച കുറയുന്നതിനാൽ ഡ്രൈവർമാർ അതീവ ജാഗ്രത പാലിക്കണമെന്ന് അധികൃതർ നിർദേശിച്ചു.
ദുബായ്: യുഎഇയുടെ 54-ാമത് ദേശീയ ദിനാഘോഷങ്ങളുടെ ഭാഗമായി, ദുബായ് മുനിസിപ്പാലിറ്റി എമിറേറ്റിലുടനീളം സൗജന്യ കോഫി വിതരണ പദ്ധതി പ്രഖ്യാപിച്ചു. ഐക്യത്തിന്റെയും ആഘോഷത്തിന്റെയും ഈ ദിനങ്ങൾ കൂടുതൽ മധുരതരമാക്കുന്നതിനായി, ‘ഡ്രൈവു’ (Drivu) എന്ന ആപ്ലിക്കേഷനുമായി സഹകരിച്ചാണ് ഈ നാല് ദിവസത്തെ പദ്ധതി നടപ്പിലാക്കുന്നത്. നവംബർ 30-ന് ആരംഭിച്ച് ഡിസംബർ 3 വരെയാണ് ഈ സൗജന്യ കോഫി വിതരണം ലഭ്യമാകുക. രാജ്യമെങ്ങും ആഘോഷത്തിമർപ്പിലായിരിക്കുന്ന ഈ വേളയിൽ, യുഎഇ ഭരണാധികാരികളുടെ ക്ഷേമ കാഴ്ചപ്പാടിനും പൗരന്മാരോടും പ്രവാസികളോടുമുള്ള കരുതലിനും അടിവരയിടുന്നതാണ് ഈ സൗജന്യ വിതരണ പദ്ധതി.
