ദുബായ് : രോഗികൾക്ക് കൂടുതൽ സൗകര്യമൊരുക്കുന്നതിന്റെ ഭാഗമായി ദുബായ് ഹെൽത്ത് പുതിയ സ്മാർട്ട് പാർക്കിംഗ് മാനേജ്മെന്റ് സിസ്റ്റം അവതരിപ്പിക്കുന്നു. ‘പാർക്കിൻ കമ്പനിയുമായുള്ള’ (Parkin Company) ധാരണയുടെ അടിസ്ഥാനത്തിലാണ് പുതിയ സംവിധാനം നടപ്പിലാക്കുന്നത്. സെപ്റ്റംബർ 21 മുതൽ റാഷിദ് ആശുപത്രിയിലാണ് ഇതിന്റെ ആദ്യ ഘട്ടം ആരംഭിക്കുന്നത്. ആശുപത്രികൾ സന്ദർശിക്കുന്ന രോഗികൾക്ക് പാർക്കിംഗ് സൗജന്യമായിരിക്കുമെന്ന് അധികൃതർ വ്യക്തമാക്കി. അത്യാഹിത വിഭാഗത്തിൽ ചികിത്സ തേടുന്നവർ, ഡോക്ടർമാരുടെ പരിശോധനയ്ക്കോ ലബോറട്ടറി അപ്പോയിന്റ്മെന്റുകൾക്കോ എത്തുന്നവർ, വാക്ക്-ഇൻ സേവനങ്ങൾ ഉപയോഗിക്കുന്നവർ എന്നിവർക്കെല്ലാം സന്ദർശന വേളയിൽ സൗജന്യ പാർക്കിംഗ് ആനുകൂല്യം തുടർന്നും ലഭിക്കും.
