പുതുവത്സര അവധിക്ക് ശേഷം യുഎഇയിലെ വിമാനത്താവളങ്ങളിൽ തിരക്കേറുന്നു; യാത്രക്കാർ നേരത്തെ വിമാനത്താവളത്തിലെത്തണമെന്ന് മുന്നറിയിപ്പ്

ക്രിസ്മസ്–പുതുവത്സര അവധിക്കുശേഷം യാത്രക്കാർ തിരിച്ചെത്തുന്നതിനാൽ യുഎഇയിലെ വിമാനത്താവളങ്ങളിൽ വലിയ തിരക്കാണ് അനുഭവപ്പെടുന്നത്. 2026 ജനുവരി 2 മുതൽ 5 വരെ ഏറ്റവും കൂടുതൽ തിരക്ക് പ്രതീക്ഷിക്കുന്നു.
ദുബായ്, അബൂദാബി, ഷാർജ, റാസൽഖൈമ വിമാനത്താവളങ്ങളിലാണ് തിരക്ക് കൂടുതലായി അനുഭവപ്പെടുക. എമിഗ്രേഷൻ, സുരക്ഷ പരിശോധന, ബാഗേജ് ക്ലെയിം എന്നിവിടങ്ങളിൽ നീണ്ട ക്യൂവിന് സാധ്യതയുണ്ടെന്ന് എമിറേറ്റ്സ് എയർലൈൻസ് മുന്നറിയിപ്പ് നൽകി.
അതേസമയം, ഷാർജ വിമാനത്താവളത്തിൽ യുഎഇ നിവാസികൾക്കും GCC പൗരന്മാർക്കും പ്രത്യേക കൗണ്ടറുകൾ ഒരുക്കിയിട്ടുണ്ട്. സായിദ് അന്താരാഷ്ട്ര വിമാനത്താവളത്തിൽ ബയോമെട്രിക് ഇമിഗ്രേഷൻ ക്ലിയറൻസിലൂടെ വേഗത്തിലുള്ള പ്രവേശനവും ലഭ്യമാകും.