ദുബായ് റാസൽഖോറിലുള്ള പ്രമുഖ വാഹന പരിശോധനാ കേന്ദ്രമായ തമാം അൽ ഗാന്ധി (Tamam Al Ghandi) വെഹിക്കിൾ ടെസ്റ്റിംഗ് ആൻഡ് രജിസ്ട്രേഷൻ സെന്റർ സ്ഥിരമായി അടച്ചുപൂട്ടുന്നതായി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) അറിയിച്ചു. 2026 ജനുവരി 1 മുതലാണ് ഈ മാറ്റം പ്രാബല്യത്തിൽ വരുന്നത്.
ഈ കേന്ദ്രം അടച്ചുപൂട്ടുന്ന സാഹചര്യത്തിൽ, വാഹന ഉടമകൾക്ക് താഴെ പറയുന്ന സമീപത്തുള്ള ആർടിഎ അംഗീകൃത കേന്ദ്രങ്ങളെ ആശ്രയിക്കാവുന്നതാണ്:
അൽ ജൗദ സെന്റർ (Al Jawdah Centre)
അൽ മുതകാമെല സെന്റർ – അൽ അവീർ (Al Mutakamela Centre – Al Awir)
തസ്ജീൽ സെന്റർ – അൽ അവീർ (Tasjeel Centre – Al Awir)
ഇതുകൂടാതെ, ആർടിഎ വെബ്സൈറ്റിൽ ലിസ്റ്റ് ചെയ്തിട്ടുള്ള മറ്റ് അംഗീകൃത കേന്ദ്രങ്ങളിലും വാഹന പരിശോധന, രജിസ്ട്രേഷൻ സേവനങ്ങൾ ലഭ്യമായിരിക്കും. യാത്രക്കാർക്കും വാഹന ഉടമകൾക്കും തടസ്സമില്ലാത്ത സേവനം ഉറപ്പാക്കുന്നതിനാണ് മറ്റ് ബദൽ സംവിധാനങ്ങൾ ഒരുക്കിയിരിക്കുന്നത്.
72