തൊഴിലാളികൾക്കായി ദുബായിൽ പുതുവത്സരാഘോഷം;ജെബൽ അലി, അൽ ഖൂസ്, മുഹൈസിന  തുടങ്ങിയ മൂന്ന് കേന്ദ്രങ്ങളിൽ വിപുലമായ പരിപാടികൾ

ദുബായിലെ നിർമ്മാണ-വ്യാപാര മേഖലകളിൽ ജോലി ചെയ്യുന്ന തൊഴിലാളികൾക്കായി തുടർച്ചയായ മൂന്നാം വർഷവും പുതുവത്സരാഘോഷങ്ങൾ സംഘടിപ്പിക്കുന്നു. ദുബായ് ജിഡിആർഎഫ്‌എ (GDRFA), ലേബർ അഫയേഴ്സ് സ്ഥിരം സമിതി എന്നിവയുടെ സംയുക്ത ആഭിമുഖ്യത്തിലാണ് പരിപാടികൾ ഒരുക്കുന്നത്.  ദുബായിലെ പ്രധാന ലേബർ അക്കമഡേഷൻ മേഖലകളായ ജെബൽ അലി (Jebel Ali), അൽ ഖൂസ് (Al Quoz), മുഹൈസിന (Muhaisnah) എന്നിവിടങ്ങളിലാണ് ആഘോഷങ്ങൾ നടക്കുക.