യാത്രക്കാർ മൂന്ന് മണിക്കൂർ മുമ്പ് എത്തിച്ചേരണം; ഷാർജ വിമാനത്താവളത്തിൽ തിരക്ക് കൂടുന്നതായി അധികൃതർ

പുതുവത്സരാഘോഷങ്ങളോട് അനുബന്ധിച്ച് ഷാർജ വിമാനത്താവളത്തിൽ യാത്രക്കാരുടെ തിരക്ക് വർധിക്കുമെന്ന് വിലയിരുത്തലിനെ തുടർന്ന്, വിമാനം പുറപ്പെടുന്നതിന് കുറഞ്ഞത് മൂന്ന് മണിക്കൂർ മുമ്പ് വിമാനത്താവളത്തിൽ എത്തണമെന്ന് എയർപോർട്ട് അതോറിറ്റി നിർദേശിച്ചു. വരുന്ന നാല് ദിവസങ്ങളിൽ യാത്രക്കാരുടെ എണ്ണത്തിൽ വലിയ വർധന പ്രതീക്ഷിക്കുന്ന സാഹചര്യത്തിലാണ് മുന്നറിയിപ്പ്. തിരക്ക് മൂലം ചെക്ക്-ഇൻ നടപടികൾക്ക് കൂടുതൽ സമയം ആവശ്യമായി വരാൻ സാധ്യതയുണ്ടെന്നും അധികൃതർ അറിയിച്ചു. യാത്ര സുഗമവും സുരക്ഷിതവുമാക്കുന്നതിനായി ഡിജിറ്റൽ, ഫാസ്റ്റ്-ട്രാക്ക് സേവനങ്ങൾ പരമാവധി ഉപയോഗിക്കണമെന്നും ഷാർജ വിമാനത്താവള അധികൃതർ യാത്രക്കാരോട് അഭ്യർത്ഥിച്ചു.