22
യുഎഇയുടെ വിവിധ ഭാഗങ്ങളിൽ തുടരുന്ന കനത്ത മഴയിലും കൊടുങ്കാറ്റിലും പെട്ട് റാസൽഖൈമയിൽ മലയാളി യുവാവ് മരിച്ചു. മലപ്പുറം കൊടിഞ്ഞി സ്വദേശി സൽമാൻ ഫാരിസ് (27) ആണ് മരിച്ചത്. വ്യാഴാഴ്ച പുലർച്ചെയുണ്ടായ ശക്തമായ കാറ്റിലും മഴയിലും പെട്ട ഇദ്ദേഹം സുരക്ഷയ്ക്കായി നിർമ്മാണത്തിലിരുന്ന ഒരു കെട്ടിടത്തിൽ അഭയം തേടിയതായിരുന്നു. എന്നാൽ കെട്ടിടത്തിന്റെ ഭാഗം തകർന്നു വീണാണ് അപകടം സംഭവിച്ചതെന്നാണ് പ്രാഥമിക റിപ്പോർട്ടുകൾ.
കഴിഞ്ഞ കുറച്ചു ദിവസങ്ങളായി റാസൽഖൈമയുടെ വിവിധ ഭാഗങ്ങളിൽ ശക്തമായ കാറ്റും മഴയും തുടരുകയാണ്. ഇത് വ്യാപകമായ നാശനഷ്ടങ്ങൾക്ക് കാരണമായിട്ടുണ്ട്.