യുഎഇയിൽ വിൻ്റർ അവധിക്ക് ശേഷം സ്കൂളുകൾ ഇന്ന് വീണ്ടും തുറന്നു

രണ്ടാഴ്ച നീണ്ട അവധിക്ക് ശേഷം വിദ്യാർത്ഥികളും അധ്യാപകരും സ്കൂൾ ജീവിതത്തിലേക്ക് മടങ്ങുകയാണ്.
വിദ്യാഭ്യാസ മന്ത്രാലയത്തിന്റെ അക്കാദമിക് കലണ്ടർ അനുസരിച്ചാണ് സ്കൂളുകൾ തുറക്കുന്നത്. വിൻ്റർ ബ്രേക്ക് കഴിഞ്ഞുള്ള ആദ്യ വാരം പഠനപ്രവർത്തനങ്ങൾ ക്രമാനുസൃതമായി ആരംഭിക്കുമെന്നും, പാഠഭാഗങ്ങൾ പുനഃപരിശോധിച്ച് പഠനം മുന്നോട്ടുകൊണ്ടുപോകുമെന്നും സ്കൂൾ അധികൃതർ അറിയിച്ചു.
അതേസമയം, സ്കൂൾ തുറക്കുന്നതോടെ രാവിലെയും വൈകിട്ടും റോഡുകളിൽ ഗതാഗത തിരക്ക് വർധിക്കാനിടയുള്ളതിനാൽ രക്ഷിതാക്കളും വാഹനയാത്രികരും ജാഗ്രത പാലിക്കണമെന്ന് ട്രാഫിക് അധികൃതർ മുന്നറിയിപ്പ് നൽകി. സ്കൂൾ ബസ് സമയക്രമങ്ങൾ കൃത്യമായി പാലിക്കാനും രക്ഷിതാക്കളോട് നിർദ്ദേശിച്ചിട്ടുണ്ട്.