16
ഒമാനിൽ വിവാഹിതരാകാൻ തയ്യാറെടുക്കുന്ന സ്വദേശി പൗരന്മാർക്ക് വിവാഹത്തിന് മുൻപുള്ള വൈദ്യപരിശോധന (Premarital Medical Examination) നിർബന്ധമാക്കി സുൽത്താൻ ഹൈതം ബിൻ താരീഖ് രാജകല്പന പുറപ്പെടുവിച്ചു. 2026 ജനുവരി 1 മുതൽ പുതിയ നിയമം രാജ്യത്ത് നിലവിൽ വന്നു. വിവാഹം ഒമാനിൽ വെച്ചാണെങ്കിലും വിദേശത്ത് വെച്ചാണെങ്കിലും ഈ മെഡിക്കൽ സർട്ടിഫിക്കറ്റ് ഹാജരാക്കേണ്ടത് നിർബന്ധമാണ്. അരിവാൾ രോഗം (Sickle cell anemia), തലസീമിയ തുടങ്ങിയ ജനിതക രക്തരോഗങ്ങളും എച്ച്.ഐ.വി, ഹെപ്പറ്റൈറ്റിസ് തുടങ്ങിയ പകർച്ചവ്യാധികളും വരുംതലമുറയിലേക്ക് പകരുന്നത് തടയുകയാണ് ഇതിലൂടെ ലക്ഷ്യമിടുന്നത്.