യുഎഇയിൽ സ്കൂൾ പ്രവേശന പ്രായപരിധിയിൽ മാറ്റം

യുഎഇയിലെ സ്കൂൾ പ്രവേശനത്തിനുള്ള പ്രായപരിധി (Age Cut-off) പരിഷ്കരിച്ചതിനെത്തുടർന്ന് തങ്ങളുടെ കുട്ടികൾക്കുണ്ടാകുന്ന പ്രായോഗിക ബുദ്ധിമുട്ടുകളിൽ ആശങ്കയറിയിച്ച് രക്ഷിതാക്കൾ. പുതിയ നിയമപ്രകാരം പ്രവേശന തീയതി ഓഗസ്റ്റ് 31-ൽ നിന്ന് ഡിസംബർ 31-ലേക്ക് മാറ്റിയത് പല കുട്ടികൾക്കും ഒരു വർഷം നഷ്ടപ്പെടാതെ നേരത്തെ സ്കൂളിൽ ചേരാൻ അവസരമൊരുക്കുമെങ്കിലും, ഇത് കുട്ടികളുടെ മാനസികവും സാമൂഹികവുമായ വളർച്ചയെ ബാധിക്കുമോ എന്നാണ് രക്ഷിതാക്കളുടെ പ്രധാന ആശങ്ക.