യുഎഇയിലെ വിനോദ സഞ്ചാര കേന്ദ്രങ്ങൾ വീണ്ടും തുറന്നു

പ്രതികൂല കാലാവസ്ഥയെത്തുടർന്ന് താൽക്കാലികമായി അടച്ചിരുന്ന ദുബായ് ഗ്ലോബൽ വില്ലേജ് സന്ദർശകർക്കായി വീണ്ടും തുറന്നു. ഇന്ന് വൈകുന്നേരം 4 മണി മുതലാണ് പ്രവേശനം ആരംഭിച്ചത്. മഴ മാറിയ സാഹചര്യത്തിൽ സന്ദർശകർക്ക് സുരക്ഷിതവും സന്തോഷകരവുമായ അനുഭവം ഉറപ്പാക്കാൻ ആവശ്യമായ എല്ലാ ക്രമീകരണങ്ങളും പൂർത്തിയാക്കിയതായി അധികൃതർ അറിയിച്ചു.
ഗ്ലോബൽ വില്ലേജിന് പുറമെ, ദുബായിലെയും അബുദാബിയിലെയും പ്രധാന ബീച്ചുകളും പൊതുജനങ്ങൾക്കായി തുറന്നുകൊടുത്തു.