28
മനാമ : ജിസിസി രാജ്യങ്ങളിലെ വാണിജ്യ മന്ത്രിമാരും ബ്രിട്ടീഷ് വ്യാപാര മന്ത്രി ക്രിസ് ബ്രയന്റും തമ്മിൽ നടത്തിയ കൂടിക്കാഴ്ചയിൽ ഇരുപക്ഷവും തമ്മിലുള്ള വ്യാപാര ബന്ധം ശക്തമാക്കാൻ തീരുമാനിച്ചു. ബഹ്റൈൻ മന്ത്രി അബ്ദുള്ള ബിൻ ആദൽ ഫക്രോയുടെ അധ്യക്ഷതയിൽ നടന്ന യോഗത്തിൽ നിർദിഷ്ട സ്വതന്ത്ര വ്യാപാര കരാറിന്റെ (FTA) പുരോഗതി വിലയിരുത്തി. പ്രാദേശികമായ വെല്ലുവിളികൾ നേരിടുന്നതിനും ആഗോള വിതരണ ശൃംഖലയുടെ സുരക്ഷ ഉറപ്പാക്കുന്നതിനും സംയുക്ത നീക്കം അത്യാവശ്യമാണെന്ന് മന്ത്രിമാർ വ്യക്തമാക്കി. ഗൾഫ് രാജ്യങ്ങളുടെ സാമ്പത്തിക താൽപ്പര്യങ്ങൾ സംരക്ഷിക്കുന്നതിനൊപ്പം വ്യവസായ-വാണിജ്യ മേഖലകളിൽ ബ്രിട്ടനുമായുള്ള സഹകരണം കൂടുതൽ ഊർജിതമാക്കാനും യോഗം തീരുമാനിച്ചു.