Dubai

എമിറേറ്റിലെ സുരക്ഷാ നിലവാരത്തെക്കുറിച്ച് പൊതുജനങ്ങളുടെ അഭിപ്രായം തേടി ദുബായ് പോലീസ് സർവേ ആരംഭിച്ചു. 2025-ലെ നാലാം പാദത്തിലെ (4th quarter) സുരക്ഷിതത്വബോധം അളക്കുന്നതിനാണ് ഈ സർവേ നടത്തുന്നത്. ദുബായിലെ താമസക്കാർക്കും സന്ദർശകർക്കും സുരക്ഷിതമായ അന്തരീക്ഷം ഉറപ്പാക്കുന്നതിനായുള്ള ഭാവി പദ്ധതികൾ ആസൂത്രണം ചെയ്യാൻ ഈ സർവേയിലെ വിവരങ്ങൾ സഹായിക്കും. രണ്ട് മിനിറ്റിൽ താഴെ സമയം കൊണ്ട് സർവേ പൂർത്തിയാക്കാം.

അഭിപ്രായം രേഖപ്പെടുത്താൻ:

dubaipolls.dsc.gov.ae എന്ന വെബ്സൈറ്റ് സന്ദർശിക്കുക.

ജനങ്ങളുടെ തുറന്നതും സത്യസന്ധവുമായ അഭിപ്രായങ്ങൾ സുരക്ഷാ ക്രമീകരണങ്ങൾ വികസിപ്പിക്കാൻ ഏറെ സഹായകമാകുമെന്ന് ദുബായ് പോലീസ് അറിയിച്ചു.

ദുബായ്: നഗരത്തിലെ തിരക്കേറിയ മേഖലകളിലൊന്നായ ട്രേഡ് സെന്റർ റൗണ്ട്എബൗട്ട് വികസന പദ്ധതിയുടെ ഭാഗമായി നിർമ്മിച്ച രണ്ട് സുപ്രധാന പാലങ്ങൾ ഗതാഗതത്തിനായി തുറന്നു. ഇതോടെ ഈ മേഖലയിലെ യാത്രാസമയത്തിൽ വൻ കുറവുണ്ടാകുമെന്ന് ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) അറിയിച്ചു.

ആഗോള വിപണിയിലെ ചലനങ്ങൾക്കനുസരിച്ച് ദുബായിൽ സ്വർണ്ണവില റെക്കോർഡുകൾ ഭേദിച്ച് കുതിക്കുന്നു. തിങ്കളാഴ്ച രാവിലെ വ്യാപാരം ആരംഭിച്ചപ്പോൾ ചരിത്രത്തിലെ ഏറ്റവും ഉയർന്ന നിരക്കാണ് വിപണിയിൽ രേഖപ്പെടുത്തിയത്. നാല് പതിറ്റാണ്ടിനിടയിലെ ഏറ്റവും ശക്തമായ മുന്നേറ്റമാണ് ഇപ്പോൾ സ്വർണ്ണവിലയിൽ ദൃശ്യമാകുന്നത്.



ഇന്നത്തെ വില (തിങ്കളാഴ്ച രാവിലെ 7:45-ന്):


24 കാരറ്റ്: ഗ്രാമിന് 526.50 ദിർഹം.
22 കാരറ്റ്: ഗ്രാമിന് 487.50 ദിർഹം.

ബഹിരാകാശം, സാങ്കേതികവിദ്യ, മനുഷ്യരാശിയുടെ ഭാവി എന്നീ വിഷയങ്ങളിൽ ഇലോൺ മസ്കുമായി നടത്തിയ ബഹുമുഖ ചർച്ച ഏറെ ആസ്വദിച്ചതായി ദുബായ് കിരീടാവകാശിയും യുഎഇ പ്രതിരോധ മന്ത്രിയുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം (ഫസ) വ്യക്തമാക്കി. അദ്ദേഹത്തിന്റെ ഇൻസ്റ്റഗ്രാം പോസ്റ്റിലൂടെയാണ് ഈ കാര്യം വ്യക്തമാക്കിയത്. ഭാവി എന്തെല്ലാം സാധ്യതകൾ തുറന്നുവെക്കുമെന്നത് കാണാനാകുമെന്ന ആവേശവും അദ്ദേഹം പങ്കുവച്ചു.

ദുബായ്: ദുബായിലെ അതിവേഗ പാതകളിൽ ഏറ്റവും ഇടതവശത്തെ വരിയിലൂടെ (Fast Lane) അലക്ഷ്യമായി വാഹനം ഓടിക്കുന്നവർക്ക് കർശന മുന്നറിയിപ്പുമായി ദുബായ് പൊലീസ്. ഫാസ്റ്റ് ലെയ്‌നിലൂടെ കുറഞ്ഞ വേഗതയിൽ വാഹനം ഓടിക്കുകയും പിന്നിൽ നിന്ന് വരുന്ന വാഹനങ്ങൾക്ക് വഴി നൽകാതിരിക്കുകയും ചെയ്യുന്നത് നിയമലംഘനമാണെന്നും ഇത്തരം ഡ്രൈവർമാർക്ക് 400 ദിർഹം  പിഴ ചുമത്തുമെന്നും അധികൃതർ വീണ്ടും ഓർമ്മിപ്പിച്ചു.
ഏറ്റവും ഇടതവശത്തെ വരി ഓവർടേക്കിംഗിന് മാത്രമുള്ളതാണെന്നും, കൃത്യമായ വേഗതയിലാണെങ്കിൽ പോലും പിന്നിൽ നിന്ന് വേഗതയിൽ വരുന്ന വാഹനങ്ങൾക്ക് വരി മാറി നൽകേണ്ടത് നിർബന്ധമാണെന്നും ട്രാഫിക് വിഭാഗം വ്യക്തമാക്കി. ഫാസ്റ്റ് ലെയ്‌നിലെ വേഗതക്കുറവ് ഗതാഗത തടസ്സമുണ്ടാക്കുക മാത്രമല്ല, ഗുരുതരമായ വാഹനാപകടങ്ങൾക്ക് കാരണമാകുന്നുണ്ടെന്നും പൊലീസ് നിരീക്ഷിക്കുന്നു.

ദുബായ് : ദുബായിലെ ട്രാഫിക് സിഗ്നലുകൾ വൃത്തിയാക്കുന്നതിന് ഡ്രോൺ സാങ്കേതികവിദ്യ ഉപയോഗിച്ചുള്ള പരീക്ഷണാടിസ്ഥാനത്തിലുള്ള പ്രവർത്തനം (Pilot Operation) റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) ആരംഭിച്ചു. സേവനങ്ങളുടെ ഗുണനിലവാരം ഉയർത്തുന്നതിനും വിഭവങ്ങളുടെ കാര്യക്ഷമത വർദ്ധിപ്പിക്കുന്നതിനും ട്രാഫിക് സുരക്ഷ ഉറപ്പാക്കുന്നതിനും ലക്ഷ്യമിട്ടുള്ള RTA യുടെ ഭാവി കാഴ്ചപ്പാടുകൾക്ക് അനുസൃതമായുള്ള ഒരു നൂതന കാൽവെപ്പാണിത്.

ദുബായ് : ദുബായിലെ പൊതുസ്ഥലങ്ങളിലും പാർക്കിംഗ് ബോർഡുകളിലും പതിച്ചിട്ടുള്ള അനധികൃത ക്യുആർ കോഡുകളും ലിങ്കുകളും സംബന്ധിച്ച് റോഡ് ഉപയോക്താക്കൾക്ക് ദുബായ് റോഡ് ആൻഡ് ട്രാൻസ്‌പോർട്ട് അതോറിറ്റിയും (RTA) പാർക്കിൻ (Parkin) അധികൃതരും മുന്നറിയിപ്പ് നൽകി. ഇത്തരം വ്യാജ കോഡുകൾ ഉപയോഗിച്ച് ഉപയോക്താക്കളെ തെറ്റിദ്ധരിപ്പിക്കാനും അവരുടെ ഡാറ്റ മോഷ്ടിക്കുന്ന ഫിഷിംഗ് വെബ്‌സൈറ്റുകളിലേക്ക് വഴിതിരിച്ചുവിടാനും സാധ്യതയുണ്ടെന്ന് അധികൃതർ വ്യക്തമാക്കി. അതിനാൽ, റോഡ് ഉപയോക്താക്കൾ ജാഗ്രത പാലിക്കണമെന്നും, പാർക്കിംഗ് ഫീസ് അടയ്ക്കുന്നതിന് ഔദ്യോഗിക RTA, Parkin ചാനലുകൾ മാത്രം ഉപയോഗിക്കണമെന്നും നിർദ്ദേശമുണ്ട്. ഔദ്യോഗിക ചാനലുകൾ വഴി അല്ലാതെ പണം അടയ്ക്കുന്നത് സാമ്പത്തിക തട്ടിപ്പുകളിലേക്ക് നയിച്ചേക്കാം.