ദുബായ്: ദുബായ് മുനിസിപ്പാലിറ്റിയുടെ വിവിധ സേവന നിരക്കുകളും പിഴകളും യുഎഇയിലുടനീളമുള്ള ലുലു എക്സ്ചേഞ്ച് ശാഖകൾ വഴി അടയ്ക്കുന്നതിനായി ഇരു സ്ഥാപനങ്ങളും തമ്മിൽ തന്ത്രപ്രധാനമായ കരാറിൽ ഒപ്പുവച്ചു. ദുബായ് മുനിസിപ്പാലിറ്റിയുടെ കോർപ്പറേറ്റ് സപ്പോർട്ട് സെക്ടർ ആക്ടിംഗ് സിഇഒ സയീദ് ഇസ്മയിൽ അൽ ഹാഷിമിയും ലുലു എക്സ്ചേഞ്ച് യുഎഇ സിഇഒ തമ്പി സുദർശനനുമാണ് ഇത് സംബന്ധിച്ച ധാരണാപത്രത്തിൽ ഒപ്പുവെച്ചത്. ഈ പുതിയ സഹകരണത്തിലൂടെ വ്യക്തികൾക്കും കമ്പനികൾക്കും മുനിസിപ്പാലിറ്റിയുമായി ബന്ധപ്പെട്ട ഫീസുകളും പിഴകളും ലുലു എക്സ്ചേഞ്ചിന്റെ 145-ലധികം വരുന്ന ശാഖകളിലൂടെ പണമായോ ചെക്കായോ എളുപ്പത്തിൽ ഒടുക്കാൻ സാധിക്കും. സർക്കാർ സേവനങ്ങൾ ജനങ്ങൾക്ക് കൂടുതൽ പ്രാപ്യമാക്കുകയും ഉപഭോക്താക്കൾക്ക് തടസ്സരഹിതവും ലളിതവുമായ പേയ്മെന്റ് അനുഭവം ഉറപ്പാക്കുകയും ചെയ്യുക എന്നതാണ് ഈ നീക്കത്തിലൂടെ ലക്ഷ്യമിടുന്നത്. യുഎഇയിലെ സാമ്പത്തിക സേവന രംഗത്തെ പ്രമുഖരായ ലുലു എക്സ്ചേഞ്ചും നഗര വികസന രംഗത്തെ കരുത്തരായ ദുബായ് മുനിസിപ്പാലിറ്റിയും കൈകോർക്കുന്നത് രാജ്യത്തെ ഡിജിറ്റൽ-സാമ്പത്തിക സേവന മേഖലയ്ക്ക് പുതിയ ഊർജ്ജം പകരും.
gulftreat
യുഎഇയിലെ സാധാരണക്കാരുടെ ജീവിതം സ്ക്രീനിൽ; ലുലു എക്സ്ചേഞ്ചിന്റെ “ദിസ് ഈസ് ഹോം” ബ്രാൻഡ് ഫിലിം പുറത്തിറങ്ങി
യുഎഇ എന്ന രാജ്യത്തെ ഓരോ ദിവസവും കെട്ടിപ്പടുക്കുന്ന സാധാരണക്കാരായ മനുഷ്യരുടെ ജീവിതാനുഭവങ്ങൾ കോർത്തിണക്കി ലുലു എക്സ്ചേഞ്ചും ലുലു മണിയും ചേർന്ന് പുറത്തിറക്കിയ പുതിയ ബ്രാൻഡ് ഫിലിം ശ്രദ്ധേയമാകുന്നു. “ദിസ് ഈസ് ഹോം” (This is Home) എന്ന പേരിൽ പുറത്തിറങ്ങിയ ഈ ചിത്രം യുഎഇയുടെ വളർച്ചയിൽ ഓരോ വ്യക്തിയും വഹിക്കുന്ന പങ്കിനെ ആദരിക്കുന്നതാണ്.
അജ്മാനിൽ നിർമാണം പൂർത്തിയായ രണ്ട് പുതിയ പാലങ്ങൾ ഗതാഗതത്തിനായി തുറന്നു.
3.2 കിലോമീറ്റർ ദൈർഘ്യമുള്ള പദ്ധതിയിൽ ശൈഖ് മുഹമ്മദ് ബിൻ സായിദ് റോഡിൽ 800 മീറ്റർ പാലവും ശൈഖ് സായിദ് റോഡിലെ 1,100 മീറ്റർ അൽ ഹമീദിയ പാലവും ഉൾപ്പെടുന്നു.
കൂടാതെ രണ്ട് പുതിയ അണ്ടർ-ബ്രിഡ്ജ് ഇന്റർസെക്ഷനുകളും തുറന്നു.
യുഎഇ പ്രസിഡന്റ് ശൈഖ് മുഹമ്മദ് ബിൻ സായിദ് ആൽ നഹ്യാന്റെ സംരംഭങ്ങളുടെ ഭാഗമായി പ്രസിഡൻഷ്യൽ ഇൻിഷ്യേറ്റീവ്സ് കമ്മിറ്റിയുടെ മേൽനോട്ടത്തിലാണ് പദ്ധതി നടപ്പാക്കിയത്.
യുഎഇയിൽ ഇന്ന് ഭാഗികമായി മേഘാവൃതമായ കാലാവസ്ഥ; തീരദേശങ്ങളിൽ മഴയ്ക്ക് സാധ്യത
മുന്നറിയിപ്പുമായി NCM
യുഎഇയിൽ ഇന്ന് (തിങ്കളാഴ്ച) ആകാശം ഭാഗികമായി മേഘാവൃതമായിരിക്കുമെന്ന് ദേശീയ കാലാവസ്ഥാ കേന്ദ്രം (NCM) പ്രവചിച്ചു. ചില തീരദേശങ്ങളിലും വടക്കൻ പ്രദേശങ്ങളിലും മഴയ്ക്ക് സാധ്യതയുണ്ട്.
ന്യൂനമർദ്ദത്തിന്റെ സ്വാധീനം മേഖലയിൽ തുടരുന്നതിനാൽ, ഇന്ന് നേരിയതും മിതമായതുമായ കാറ്റ് വീശാൻ സാധ്യതയുണ്ട്. ചില സമയങ്ങളിൽ കാറ്റിന്റെ വേഗത വർധിച്ചേക്കാം.
NCM-ന്റെ ഏറ്റവും പുതിയ കാലാവസ്ഥാ റിപ്പോർട്ട് അനുസരിച്ച്, തെക്ക് കിഴക്ക് ദിശയിൽ നിന്ന് വടക്ക് കിഴക്ക് ദിശയിലേക്ക് കാറ്റ് വീശും. കാറ്റിന്റെ വേഗത മണിക്കൂറിൽ 10 മുതൽ 25 കിലോമീറ്റർ വരെയാകാം, ചില പ്രദേശങ്ങളിൽ 40 കിലോമീറ്റർ വരെ വേഗതയെത്താൻ സാധ്യതയുണ്ട്.
ദുബായ് മെട്രോ ബ്ലൂ ലൈൻ; റൂട്ട് മാപ്പ് പുറത്തിറക്കി RTA-
2029-ൽ സർവീസ് ആരംഭിക്കും
ദുബായ്: നഗരത്തിലെ മെട്രോ ശൃംഖല കൂടുതൽ ശക്തിപ്പെടുത്തുന്നതിനുള്ള സുപ്രധാന പദ്ധതിയായി ബ്ലൂ ലൈൻ ഒരുങ്ങുന്നു. 2029-ൽ സർവീസ് ആരംഭിക്കാനാണ് സാധ്യത. മൊത്തം 30 കിലോമീറ്റർ ദൈർഘ്യമുള്ള പാതയിൽ 14.5 കിലോമീറ്റർ ഉയരത്തിലുള്ള (Elevated) പാതയും 15.5 കിലോമീറ്റർ ഭൂമിക്കടിയിലൂടെയുള്ള (Underground) പാതയുമാണ് ഉൾപ്പെടുന്നത്. നഗരത്തിന്റെ വിവിധ ഭാഗങ്ങളിലായി ഉള്ള 14 ഗ്രൗണ്ട്-ലെവൽ, അണ്ടർഗ്രൗണ്ട് സ്റ്റേഷനുകളെ പുതിയ ബ്ലൂ ലൈൻ തമ്മിൽ ബന്ധിപ്പിക്കും.
അറ്റകുറ്റപ്പണികൾ; എമിറേറ്റ്സ് റോഡിലെ സ്ലിപ്പ് റോഡ് ഡിസംബർ 11 നാളെ മുതൽ താൽക്കാലികമായി അടച്ചിടും
എമിറേറ്റ്സ് റോഡിലെ ഒരു പ്രധാന സ്ലിപ്പ് റോഡിൽ വികസന പ്രവൃത്തികൾ ആരംഭിക്കുന്നതിനാൽ, 2025 ഡിസംബർ 11 മുതൽ ഗതാഗതം താൽക്കാലികമായി വഴിതിരിച്ചുവിടുമെന്ന് അധികൃതർ അറിയിച്ചു.
റാസ് അൽ ഖൈമയിൽ നിന്ന് അൽ ദൈദിലേക്ക് പാലം നമ്പർ 7 വഴി പോകുന്ന വാഹനങ്ങൾക്ക് സ്ലിപ്പ് റോഡ് അടച്ചിരിക്കും. നിർമ്മാണകാലത്ത് യാത്രക്കാരെ നിയുക്ത ബദൽ മാർഗങ്ങൾ — പാലം നമ്പർ 6, പുതിയ ഖോർഫക്കാൻ ടണൽ — ഉപയോഗിക്കാൻ നിർദേശം നൽകിയിട്ടുണ്ട്.
എമിറേറ്റ്സ് റോഡിൽ നടക്കുന്ന ഈ നവീകരണം ദേശീയ ഹൈവേകളുടെ സുരക്ഷയും ശേഷിയും മെച്ചപ്പെടുത്തുന്നതിനുള്ള ഫെഡറൽ പദ്ധതിയുടെ ഭാഗമാണ്. ഡ്രൈവർമാർ സൂചനാബോർഡുകൾ പാലിക്കുകയും ജോലി സ്ഥലങ്ങൾക്കടുത്ത് ജാഗ്രത പാലിക്കുകയും ചെയ്യണമെന്ന് അധികൃതർ മുന്നറിയിപ്പ് നൽകി.
യുഎഇയിൽ കാലാവസ്ഥാമാറ്റം ശൈത്യകാലം അടുക്കുന്നു താപനില കുറയും ദേശീയ കാലാവസ്ഥാ കേന്ദ്രം
യുഎഇയിൽ അടുത്ത ദിവസങ്ങളിൽ കാലാവസ്ഥാമാറ്റം അനുഭവപ്പെടുമെന്ന് ദേശീയ കാലാവസ്ഥാ കേന്ദ്രം (NCM) അറിയിച്ചു. രാജ്യത്ത് താപനില 9 മുതൽ 10 ഡിഗ്രി സെൽഷ്യസ് വരെ താഴുകയും തണുപ്പ് അനുഭവപ്പെടുകയും ചെയ്യും. തീരദേശങ്ങളിലും ഉൾപ്രദേശങ്ങളിലും താപനിലയിൽ കുറവ് രേഖപ്പെടുത്തും. പ്രഭാത സമയങ്ങളിൽ മൂടൽമഞ്ഞ് ഉണ്ടാകാനും കാറ്റിന്റെ വേഗം കുറയാനും സാധ്യതയുണ്ടെന്ന് കേന്ദ്രം മുന്നറിയിപ്പ് നൽകി.