ദുബായ്:അൽ വാർഖയിലെ ഒരു താമസവില്ലയിൽ ഉടമയുടെ അറിവോ അനുമതിയോ ഇല്ലാതെ പ്രവേശിച്ചതിന് ഗൾഫ് പൗരനെ ദുബായ് മിസ്ഡീമീനേഴ്സ് കോടതി 3,000 ദിർഹം പിഴയടക്കാൻ വിധിച്ചു. സ്വകാര്യ സ്വത്തിന്റെ പരിശുദ്ധി ലംഘിച്ചുവെന്ന കുറ്റം തെളിഞ്ഞതായി കോടതി വ്യക്തമാക്കി.
കഴിഞ്ഞ നവംബറിലാണ് കേസിന് തുടക്കമായത്. വീട്ടുടമ വില്ലയ്ക്കുള്ളിൽ ഒരാളെ കണ്ടതായി പൊലീസിൽ പരാതി നൽകി. അൽ ഖലീജ് പത്രത്തിന്റെ റിപ്പോർട്ട് പ്രകാരം, ശ്രദ്ധയിൽപ്പെട്ടതായി മനസ്സിലാക്കിയ ഇയാൾ സ്ഥലത്തുനിന്ന് ഓടി രക്ഷപ്പെടുകയായിരുന്നു. വീട്ടുടമയ്ക്ക് ഇയാളെ പരിചയമില്ലെന്നും വീടിനുള്ളിലെത്തിയതിന്റെ കാരണമറിയില്ലെന്നും പരാതിയിൽ വ്യക്തമാക്കി.
